Kashmiri
लीला सेदि दीव
सेदि दीव च़ छिय दिवताह वनान
दोह राथ छि चोनअय पाठ करान
तार दिम ब कदमन शीश नमान
सेदि दीव ब दरषुन चोन यछ़ान
च़ेय रोस न ज़गतुक काँह वजूद
चानि लीलायि रोस छुनॅ काँह ति दूर
शौद्ध करतम वन्य म्योन पान
सेदि दीव ब दरशुन चोन यछ़ान
छाँडान चे वोतुम दोह त राथ
तमि पत ति म्यूलुम न चोन साथ
वन तम च़ॅ कति छुख वन्य बेहान
सेदि दीव ब दरशुन चोन यछ़ान
प्रथ काँसि छुसचोन पय प्रछ़ान
होरॅ-योरॅ बॅ प्रथ जायि छुस गछ़ान
दारि-दारि पत छुम ओश वसान
सेदि दीव ब दरशुन चोन यछ़ान
लक्ष्मी त सेदि दीवी ति छय
शूबान चे तखतस प्यठ दोनवय
प्रथ दोहॅ छुसय बरअ-बरअ छंडान
सेदि दीव ब दरशुन चोन यछ़ान
मूषक सॅवरय छु चॅन्य बनान
ज़गतस छु दरशुन चोन दिवान
प्रथ काँह छु थलि-थलि च़ेय वछान
सेदि दीव ब दरशुन चोन यछ़ान
चान्यव ज़ॅच़व सॅत्य राथ-दोह
चान्यव शाहव सॅत्य बाल त कोह
चानि मॅशक्य सॅत्य छिय खाह वुज़ान
सेदि दीव ब दरशुन चोन यछ़ान
लोल अच्छ छि चोनय ज्ञान दिवान
सॅरिसय ब्रह्मस छि गाश हावान
वथ हावतॅ मेति छुस च़ेय नमान
सेदि दीव ब दरशुन चोन यछ़ान
नरि चानि राखिसन छ़ॅय करान
लरि चानि दिवताह छिय बेहान
आदि दीव गौडॅ छिय च़ेय प्रछ़ान
सेदि दीव ब दरशुन चोन यछ़ान
चोन लोलॅ अथॅ छुय बोड
शफा छ़ॅन तम फिरिथ पननी कृपा
च़लिहेम यि दोद-दग बेयि थकान
सेदि दीव ब दरशुन चोन यछ़ान
प्रथ्वी छि पाद्यन वछि थवान
तॅमि संज़ि मेचि छुख शोद्ध करान
दण्डवत करिथ बॅति डैकॅ दारान
सेदि दीव ब दरशुन चोन यछ़ान
च़ॅम चॅन्य सोनस ति प्रज़लावान
ताज चोन छु सिरियस वोशलावान
मायि चानि छि लड्य अमृथ बनान
सेदि दीव ब दरशुन चोन यछ़ान
च़्ोय प्यठ पछ थॅव आदि शक्ति
स्ंासारन वछ चन्य तेलि भक्ति
च़्ाटनोवुथ शीश च़े रॅछ करान
सेदि दीव ब दरशुन चोन यछ़ान
लीलाय चानि छिय यलि वनान
ऋषि-मुनि छिन तेलि थकान
मुक्ति दितम छुम यी अरमान
सेदि दीव ब दरशुन चोन यछ़ान
माय चोन
दिल म्योन नादान यिति छुनॅ ज़ानान।
माय छुनॅ रावान वखतस सॅत्य।।
लोलअच नज़राह त्रावान रोज़तम
बोज़तम जिगरक्य गम तअ तूफान
ज़ार म्येन बूज़िथ तोति छुखनॅ मानान
माय छुनअ रावान वखतस सॅत्य
हा पोश बागो आलव दितॅ तस
नितॅ तस वखतुक पय तॅ पॅगाम
शमशीर वॅयिथ चाख कोरुन दामान
माय छुनॅ रावान वखतस सॅत्य
यिथपठ्य वाजि मंज़य शहतोस नेरान
फेरान दोह तअ राथ लोल बॅगरान
रोज़ि रोज़ि कदमव बुजरस वातान
माय छुनॅ रावान वखतस सॅत्य
गछ़़ू शाम बोम्भरो यारस च़ वंतम
बंतम ज़खमन हुन्द च़ आराम
सॅरी वर वन्य क्याज़ि छुनॅ त्रावान
माय छुनॅ रावान वखतस सॅत्य
वलॅ म्यानि यारो रूशिथ म रोज़ वन्य
बोज वन्य मारमोत लोल चे़ प्रारान
सिरी लूसिथ ति ज़गतस छु तारान
माय छुनॅ रावान वखतस सॅत्य
शंकर लीला
सुब-शाम छुस चोन नाव ज़पान
ही शंकर महादीव म्याने।
थलि-थलि चअन्य वथ वछान
ही शंकर महादीव म्याने।।
थदिस कोहस प्यठ चोन मकान।
अन्द्य पक्य शीन त अबुर पकान।।
पारवती जाय छि शूबरावान।।।
ही शंकर महादीव म्याने।
सूज़थस यथ संसारस मन्ज़ च़े।
पापन त पोन्यन करनि संज मे़।।
छु न मे येति केंह ति सौरान।।।
ही शंकर महादीव म्याने।
गीर गोमुत छुस नावस चनिस।
यितॅ दीवो वन्य मदतस म्यनिस।।
बर मंदिन्यन दोहय गछान छुम शाम।।।
ही शंकर महादीव म्याने।
यति छिय सॅरी राख्यस रोज़ान।
कंसिहुन्द छिनॅ तिम दौख बोज़ान।।
चॅन्य लीला ति तिम अपुज़ वनान।।।
ही शंकर महादीव म्याने।
गाश असिथ अनिगोट यति बासान।
दौख म्योन च़ॅ छुख दोहय कासान।। ़
छुस त्रेयुम अछ चॅन्य वुज़नावान।।।
ही शंकर महादीव म्याने।
वछि मंज ऋष वॅर छि़ दौख पालान।
दादि चानि वदान तॅ ओश वालान।।
सीनस कॅन्य थविथ सॅरी प्रारान।।।
ही शंकर महादीव म्याने।
कूत काल मे वोतुम दौख ज़रान।
पनन्यन करमन हिसाब करान।।
रवियस छु चानि मदतुक इम्कान।।।
ही शंकर महादीव म्याने।
राज़ पाथशाह
बरस तल चनिस छु अख फकीर
लोलॅ दोदमुत तॅ गोमुत गीर
दर खूलिथ बनावतॅ मेति वज़ीर
मे लगिहे चान्यन नज़रन हुन्द तीर
वतॅ छंड्यम चानि दीदारय
छुम न पय वन्य कूत प्रारय
छुख च़ म्यानि जिगरुक पीर
मे लगिहे चान्यन नज़रन हुन्द तीर
यिमन सियाह चेशमन लोल वुज़ान
यथ जिगरस छु माय प्रज़ान
दिम आलव हा म्यानि अमीर
मे लगिहे चान्यन नज़रन हुन्द तीर
पोश पद्यव पकान च़ ग्रायॅ मारान
कायनाथ तथ मेचि़ पतॅ लारान
वतन वाहरान पोश वथर त अबीर
मे लगिहे चान्यन नज़रन हुन्द तीर
जुल्फ लहरान चानि छि निवान होश
ओबुर मंदछान छु वोषलान पोश
कलॅ नोमरिथ छु रोज़ान वज़ीर
मे लगिहे चान्यन नज़रन हुन्द तीर
मष्कॅ अदफर चोन पान त्रावान
अंद्य पक्य छु सारिन्य होश रावान
गछ़ान बेखोद छि वारियाह पीर
मे लगिहे चान्यन नज़रन हुन्द तीर
नूर चोन ज़गतस प्रज़लावान
सॅरिसय ब्रह्मस छु गाष हावान
ताफ लयि ति छुनॅ यूत तॅसीर
मे लगिहे चान्यन नज़रन हुन्द तीर
च़ंदरम छु ओबरस आलव दिवान
यिनॅ वछहॅन च़ च़ूरि रोज़ान
चानि जॅ़च़ करान छस तोति गीर
मे लगिहे चान्यन नज़रन हुन्द तीर
मे कोरमय शाह ति वॅन्य चानि नाव्य
रछ़़रोवमुत पान वन्य कुस प्राव्य
मोकलावतम यिनॅ गछ़नुक तकदीर
मे लगिहे चान्यन नज़रन हुन्द तीर
राज़ पाथशाह च़ ज़गतस पकनावान
सारिनॅय मंज़ लोल माय बॅगरावान
रवियस वनतम क्याह छु तखसीर
मे लगिहे चान्यन नज़रन हुन्द तीर
टोठ यार
बाल यारो ब छस प्रारान
क्याज़ि रूशिथ ब्यूठहोम।
लोलॅ अछव वछान ओसुख
दकव-डुलव क्याज़ि कोरथम वेह।
सुब वथितय दूरयर ज़ारान।
क्याज़ि रूशिथ ब्यूठहोम।
पोशवारि छम वुजाड बासान
व्यथि पोन्य ज़ाहरुक क्रूर।
ताप लॅशन छस अथ दारान
क्याज़ि रूशिथ ब्यूठहोम।
फंब शाीन छुम डोठ बासान
टोठ यार कोत गव म्योन।
अथ अनिगटिस ब छालॅ मारान।
क्याज़ि रूशिथ ब्यूठहोम।
अछ छॅस थविथ बॅरस कुनय
गरस बन्यव मे शुमशान।
प्रथ विटि छस चॅन्य छाय ज़ारान।
क्याज़ि रूशिथ ब्यूठहोम।
वछि मंज़ म्योन प्रान च छुख
रछि मंज़ म्योन जान च छुख।
रौय चोन सिरियस प्रज़लावान।
क्याज़ि रूशिथ ब्यूठहोम।
आलव
ल्यठलोर कोरुख त चअलरअविख।
असि हिरगोगलन आवाज कअडख।।
शुमशानन मअन्ज़ सोन सूर वछान
अख ओश फ्योर अछन कॉन्सि न द्राव ।।।
सब्ज़ार ति वोश्ल्यव अथ ग्रेकि मञ्ज।
प्रथ काँह करान रूद चलनक्य संज़।।
पतवतुक जमाह सोरूय त्रोव तति
प्रोन माय मोहब्त संज़ान वति वाति ।।।
अख ओश फ्योर अछन कॉन्सि न द्राव।
मय्व बागन ति फुल्य वदान त रिवान।
छि मअज्य दोहय आलव दिवान।।
वअन्य अख दरशुन दित लोल मते
चरि हारि त बुलबुल क्रक दिवान।।।
अख ओश फ्योर अछन कॉन्सि न द्राव।
बालन हन्ज़ कोलअ छि जोयि मारान।
वन चन यारय्न पन वाव करान।।
शिव शंकर प्रथ जायि चेय प्रारान
मत चलतम वछि हन्दय सबजारो।।।
अख ओश फ्योर अछन कॉन्सि न द्राव।
अथ लोल बागस टोकअ सूर करिथ।
गव अन्दय पक्युक रथ वतन मथिथ ।।
रोव माय त वुठ माज़रथ अपुजय
खश रिश्तन गव यलि बोय बनिथ।।।
अख ओश फ्योर अछन कॉन्सि न द्राव।
सासअ बज़ पीरि वारि मञ्ज़ अथ।
सम्सार सोरूय छुन बोज़ान कथ।।
न्यायन टोज फीरिथ अस्य त्रव्य
आलव सोन बूज़िव असि ति गछ़ि सथ।।।
अख ओश फ्योर अछन कॉन्सि न द्राव।
असि क्याह कोर सोन खताह छु क्याह।
दूर क्याजि छ्करअविख अस्य यूताह ।।
जान वंदयो हा म्यानि ऋषि वारी
मत त्रावतम मञ्ज वति चालअ कूताह।।।
अख ओश फ्योर अछन कॉन्सि न नेरान।
पोष्कर नाथ जाडू: अख बटॅ सॅह
कथाह बूजिव अकिस बॅटसॅन्ज वनान बॅ लोलॅ मॅत्यसंद्य जार।
सु जिन्ददिल मर्द मोहन्युव लोग कुनुयजोन करनि डासरय्न लार।।
मॅनस मंज लोल वतनुक ह्यथ सु बुलबुल द्राव लंजि प्यठ येलि।
नजर त्रविथ चोवातरफं फुलय बागस ति प्रज़लेय तेलि।।
तमिस खो़द्धार नफरस बस अकुय वॅचुनाह मनस मंज आव।।
माजि, बेनि, कमज़ोर, मज़लूम तिम करन मा ग्राव।।
डैकस प्यठ नूर प्रजलान बेय वॅछस मंज दयथराजुन नाव।
न मॅजी च फिकिर कर चानि बापथ रथ वतन छकराव।।
यौतान्य मे रथ कतराह छु तौतान्य बूजिव तोह्य म्यनी कथ।
खौरस कोण्ड चाव तौहि योदवय ब सीनस चाख दिमॅ पतवथ।।
ग्राँगलि करान हमलावरन वति वति सु फेरान गव।।
अकि वति निवान खॅरिथ वसान बेयि वति सु मारान दव।।
सु रावरावान यिमन यूताह तिमन तीच़ाह गॅय बौद्ध ब्रेठान।
बिहिथ शाहमार बालन प्यठ ग्रदन हॅन्जॅ टौजि करिथ डेठान।।
ऋषि वारि हुुंद दिलदार बटन मंज़ शेर अख दमदार।
खॅली अथव लाच़ार तॅम्य कॅरनाह कबाल्यन लार।।
छॅर कॅत्याह चलॅविख मारनॅ बापथ पतॅ तमिस नफरस।
असुुनाह रौयस प्यठ दोद वतनुक ह्यथ सु द्राव सफरस।।
बुतराथ सॅरॅय गयि वछिथ हॅरान कोरुख दरषुन।
वछिथ खौश दय ति सोरुय गव करान सुति पोशॅ वरशुन।।
हयो दिलदार मदनो चे़ थॅवॅथ नॅ बटॅ दस्तारस ग्राव।
वनान ”धर“ तमिस शख्सस छु पोष्कर नाथ जाडू नाव।।